Policia Rrugore i ka shkuar në ndihmë një familjeje, që kishin mbetur në rrugën që të çon për në malin e Tomorit, pasi automjeti me të cilin qarkullonin nuk mund të vijonte lëvizjen për shkak të dëborës.
Familja nga Berati, kishte udhëtuar drejt malit të Tomorit dhe në kthim për shkak të reshjeve të dendura të dëborës, automjeti i tyre kishte xhiruar dhe për pasojë kishte pësuar dëmtime në goma, duke e bërë të pamundur lëvizjen drejt qytetit të Beratit.
“Shërbimet e Qarkullimit Rrugor, duke patrulluar në aksin rrugor Poliçan-Mali i Tomorit, kanë konstatuar një automjet që kishte mbetur në rrugë dhe në brendësi të automjetit ndodheshin 5 shtetas, midis tyre 2 fëmijë ( familje) të cilët kishin mbetur në vendin e qaujtur “Gjurma”.
Familja nga Berati, kishte udhëtuar drejt malit të Tomorit dhe në kthim për shkak të reshjeve të dendura të dëborës, automjeti i tyre kishte xhiruar dhe për pasojë kishte pësuar dëmtime në goma, duke e bërë të pamundur lëvizjen drejt qytetit të Beratit.
Shërbimet e Qarkullimit Rrugor i transportuan me automjetin e tyre deri në banesë shtetasit që ndodheshin në automjet.
Shërbimet e Qarkullimit Rrugor, apelojnë për të gjithë drejtuesit e mjeteve nëse udhëtojnë drejt malit të Tomorit, të përdorin zinxhira dhe goma dimërore, të moderojnë shpejtësinë, të mos kryejnë parakalime të gabuara dhe të ndjekin udhëzimet e Policisë Rrugore.
Borëpastrueset po vijojnë punën në këtë aks rrugor për pastrimin e rrugës”, njofton policia.
