2 turistë çekë janë shpëtuar nga policia kufitare në Dhërmi, pasi kishin ngelur në det dhe e kishin të pamundur kthimin në breg për shkak të dallgëve të larta.
Sipas uniformave blu, bëhet me dije se turistët janë në gjendje të mirë shëndetësore, pas rikthimit në breg.
“Shërbimet e Policisë Kufitare në Dhërmi iu kanë ardhur në ndihmë 2 turistëve çekë që kishin ngelur në det dhe e kishin të pamundur kthimin në breg, me mjetin e tyre lundrues tip kajk, për shkak të dallgëve të larta.
Ditën e sotme, autoritetet e Policisë Himarë kanë marrë njoftim për 2 turistët që ishin duke lundruar në det, në plazhin e Livadhit, me një mjet lundrues kajk, të cilët e kishin të pamundur të ktheheshin në breg për shkak të dallgëve.
Shërbimet e Policisë kanë shkuar në vendin ku kishin ngelur turistët dhe i kanë shoqëruar ata me mjetin e Policisë Kufitare, deri në breg, së bashku me mjetin e tyre lundrues.
Sakaq, raportohet se dy turistët janë në gjendje të mirë shëndetësore pas rikthimit në breg”, tha policia./Opinion.al
