Policia Kufitare në bashkëpunim me shërbimet FRONTEX-it, Komisariatet e Policisë Devoll dhe Korçë u ka ardhur në ndihmë babait 28-vjeç dhe vajzës së mitur siriane të cilët kishin humbur rrugën në terren të vështirë.
Pas marrjes së njoftimit se në një terren malor në malin Moravë, se një vajzë e mitur siriane kishte humbur rrugën së bashku me babain e saj, policia në bashkëpunim me shërbimet FRONTEX-it u kanë ardhur në ndihmë, teksa i kanë lokalizuar dhe i kanë dërguar në spital për ndihmën e parë shëndetësore.
Pas disa orë kërkimesh, janë gjetur vajza e mitur 11-vjeçare dhe M. A., 28 vjeç, banues në Siri, emigrantë të paligjshëm.
Dy shtetasit e huaj janë transportuar në Spitalin e Korçës për ndihmë mjekësore dhe ndodhen jashtë rrezikut për jetën.
