Forcat zjarrfikëse në Himarë kanë bërë të mundur lokalizimin dhe gjetjen e dy turisteve angleze të cilat kishin humbur kontaktet që prej mëngjesit.
Dy turistet angleze, të moshës 65 vjeç, u raportuan të larguara që në orën 10 të mëngjesit.
Ato u lokalizuan pasdite në malin Lavan, mbi fshatin Sasaj të Lukovës.
Në operacionin e shpëtimit morën pjesë gjashtë efektivë zjarrfikës, një polic zone dhe një banor i fshatit.
Raportohet se dy anglezet u gjetën në gjendje të mirë shëndetësore, dhe u shoqëruan në hotelin ku ato qëndronin.
