Gjykata e Posaçme ka dhënë masën “arrest në shtëpie” për Kristo Agalliun, pasi 52-vjeçari u akuzua për “korrupsion aktiv në zgjedhje”.
Në dëshminë e tij, Agalliu ka thënë: “Nuk mbaj mend asgjë! Kam qenë duke pirë në lokal”.
52-vjeçari u arrestua në kuadër të operacionit “Premtuesi” pasi së bashku me një shtetas tjetër bashkëpunonin me njëri-tjtritn për shit-blerje votash për një subjekt politik.
Video pretendohet se është filmuar në një lokal në zonën e Freskut në kryeqytet.
Njëri nga personat është Agron Duro 61 vjeç banues në Tiranë, që tashmë po hetohet në gjendje të lirë nga policia. Në anën tjetër të telefonit, është Kristo Agalliu, 52 vjeç.
Në video dëgjohet Duro që i premton Kristo Agalliut se ka 4 vota, dhe bien dakord që të paguhen 10 mijë lekë për votën dhe 5 mijë për karburantin për rrugën që Agron Duro do me makinën e tij, do të bënte, ndoshta drejt Kuçovës, bashkë me 4 votuesit që pretendohet se do paguheshin./Opinion.al
