Situata e krijuar nga koronavirusi në Itali vijon të jetë e rëndë, ndërsa së fundmi ekspertët kanë deklaruar se ka shenja që gjendja po shkon drejt përmirësimit.
Aktualisht në Itali zona më problematike është Lombardia.Ndërkohë, lidhur me situatën në Itali, shumë shtete kanë ofruar ndihmë dhe një prej tyre është edhe Kina, e cila përveç disa mjekëve të dërguar ditë më parë në Lombardi, tashmë ka dërguar edhe një ngarkesë me pajisje mbrojtëse për mjekët.
SipasTgcom24, një sasi prej 40 ton pajisje mjekësore kanë mbërritur në aeroportin e Palermos. Materialet përfshijnë maska doreza dhe veshje të posaçme për mjekët. Në ditët në vijim pritet të mbërrijnë ndihma të tjera nga Kina për Italinë./ Opinion.al
