Ministria e jashtme e Kinës tha të Premten se kishte uruar Presidentin e zgjedhur të SHBA Joe Biden dhe zëvendës Presidenten e zgjedhur Kamala Harris, për fitoren e zgjedhjeve të 3 nëntorit që Presidenti Donald Trump ka refuzuar ta pranojë.
“Ne e respektojmë zgjedhjen e popullit amerikan. Ne i shpreim urimet zotit Biden dhe zonjën Harris, “tha zëdhënësi i ministrisë së jashtme Ëang Ëenbin në një konferencë të rregullt ditore.
“Ne e kuptojmë se rezultatet e zgjedhjeve amerikane do të përcaktohen në përputhje me ligjet dhe procedurat e SHBA,” shtoi ai.
Kujtojmë se pas shpalljes së rezultatit të zgjedhjeve në SHBA, shumë liderë botërorë uruan për fitoren kandidatin fitues, një traditë kjo që ndodh pas çdo zgjedhjeje tashmë.
Megjithatë ajo që ra në sy kësaj radhe ishte mungesa e një urimi nga Rusia dhe Kina. Dy superfuqitë thanë fillimisht se do të prisnin certifikimin zyrtar të fituesit duke qenë se situata sipas tyre në SHBA ishte ende e pavendosur.
Mesa duket tashmë për Kinën është bërë e qartë se Joe Biden është fitues i zgjedhjeve, ndërsa për Kremlinin ende jo. /Opinion.al
