Qeveria kineze ka bërë një paralajmërim të ashpër ndaj protestuesve në Hong Kong.
Një zëdhënës i qeverisë kineze në Hong Kong, u ka thënë protestuesve “të mos nënvlerësojnë vendosshmërinë e qeverisë qendrore pasi do të dështojnë tentativat e tyre për të luajtur me zjarr”.
Zëdhënësi ka pretenduar se mbrapa dhunës në qytet qëndrojnë forcat anti-kineze.
Protestat në Hong Kong vazhdojnë prej nëntë fundjavash, dhe mbahen kundër qeverisjes aktuale. Fillimisht kanë nisur për të kundërshtuar një projektligj kontravers për ekstradim, por duket se nuk kanë ndërmend të ndalen.
Qyteti është përballur prej ditësh me probleme të mëdha të transportit, energjisë elektrike dhe tejmbushjes së spitaleve./Opinion.al
