Ambasadorja Amerikane në Shqipëri Yuri Kim ka takuar ditën e sotme kryetaren e Këshillit të Emërimeve në Drejtësi Vitore Tushën.
Në një reagim në Twitter, ambasadorja amerikane bën me dije se kanë diskutuar në lidhje me zhvillimet në Reformën në Drejtësi, ku i ka shprehur edhe mbështetjen që do të ketë nga SHBA.
“U takova me gjyqtaren Tusha për ta falënderuar atë për udhëheqjen e qëndrueshme dhe të mençur të KED, e cila bëri të mundur që Gjykata Kushtetuese të bëhet funksionale. Tani, ajo ka përgjegjësinë të drejtojë Gjykatën Kushtetuese në shqyrtimin e çështjeve të rëndësishme. SHBA do të vazhdojë mbështetjen e saj të fortë në mënyrë që Reforma në Drejtësi të sjellë rezultate.”- shkruan në Twitter ambasadorja.
