Ish-kryeministri Sali Berisha në një deklaratë për mediat pas mbledhjes së Komisionit të Rithemelimit ka folur edhe për faktin se ambasadorja e SHBA njohu Alibeajn si kryetar të komanduar të PD-së. Berisha tha se ky është dështimi i ri i ambasadores duke theksuar se Kim nuk ka ka tagër të ndërhyjë në jetën e brendshme të një force politike.
“Dështim i ri i saj i paralajmëruar. Guvernatorja Kim ka lënë mënjanë rolin e ambasadores që në përputhje me konventën e Vjenës nuk ka tagër të ndërhyjë në jetën e brendshme të një force politike. Imagjinoni në çfarë gjendje ka qenë PD-ja sikur të ishte një seksioni i një ambasade, i një guvernatoreje, s’dua ta përdor termin ambasadë, ambasadat janë të respektuara, por zonja në fjalë shkel çdo rregull, preferon që për shkak të terrenit që ka gjetur tek Rama dhe Basha të bëjë atë rol që nuk i takon”, deklaroi Berisha./Opinion.al
