Ambasadorja amerikane, Yuri Kim ka mbërritur në Vlorë për të parë nga afër procesin e votimit në këtë bashki.
Kim ka vëzhguar qendrat e votimit ndërsa ka pyetur vëzhguesit nëse kanë pasur ndonjë problem gjatë procesit të votimit. Pas komunikimit me komisionerët, ka pasur një pronocim për mediat ku ka bërë me dije se ka qenë në disa nga qytetet e Shqipërisë dhe po ndjek nga afër qytetin e Himarës.
Më herët gjatë ditës së sotme ambasada amerikane dha një mesazh për zgjedhjet.
“Shpresojmë që të gjithë qytetarët të ushtrojnë të drejtën e tyre themelore demokratike për të shprehur vullnetin e tyre përmes zgjedhjeve të lira dhe të ndershme. Është thelbësore që të gjithë të respektojnë ligjet dhe rregullat që rregullojnë zgjedhjet, si dhe normat ndërkombëtare, duke përfshirë ndalimin e blerjes ose shitjes së votave. Ne u bëjmë thirrje autoriteteve që të zbatojnë të gjitha ligjet dhe rregulloret në mënyrë të drejtë dhe të barabartë. Zyrtarët e ambasadës po i bashkohen institucioneve të tjera ndërkombëtare në vëzhgimin e zgjedhjeve në të gjithë vendin”, thuhet në postim.
