Ambasadorja e SHBA-ve në Shqipëri, pas konferencës “Shqipëri-SHBA” që u zhvillua këtë të enjte në Tiranë në kuadër të 100 vjetorit të vendosjes së marrëdhënieve midis Shteteve të Bashkuar të Amerikës dhe vendit tonë, ka dhënë një deklaratë për mediat.
Gjatë fjalës së saj Kim theksoi mbështetjen për Ballkanin e Hapur. Ajo tha se SHBA mbështet projektet përfshirë edhe Ballkanin e Hapur, që kontribuojnë në procesin e integrimit.
“Ne mbështesim të drejtën e vendeve të Ballkanit Perëndimor që të jenë të integruar në Europë dhe të integruar mes vete. Ne do të vazhdojmë të mbështesim të gjithë përpjekjet, përfshirë dhe Ballkanin e Hapur, në mënyrë që të jenë konseguente dhe të kontribuojnë për procesin e integrimit që ndiqet nga BE dhe që janë të hapur për 6 vendet”, deklaroi ambasadorja Kim.
