Pas lajmeve për grabitjen e Kim Kardashian në Paris, burime të afërta me autoritetet policore franceze kanë bërë të ditur se ka dyshime që autorë të kësaj plaçkitjeje spektakolare janë një grup i përbërë nga shqiptarët, serbët dhe rumunët, të cilët operojnë nëpër shtetet evropiane.
Edhe pse ky informcion nuk është ende zyrtar, një burim i afërt me këtë ngjarje ka konfirmuar se shqiptarët dhe serbët janë autorë të këtij krimi.
Një ditë pas plaçkitjes gjatë së cilës iu vodhën stoli në vlerë mbi 10 milionë dollarë, policia dhe truprojat dyshojnë se plaçkitësit kanë patur njeriun e tyre brenda, i cili i ka informuar se kur Kim do të mbetej e vetme në dhomën e hotelit.
Plaçkitësit rreth orës 3 të mëngjesit fillimisht kishin hyrë në dhomën e Kim-it në katin e dytë dhe gjysmë të zhveshur e kanë tërhequr nga shtrati, i kanë lidhur duart e këmbët dhe më pas e kanë hedhur në vaskë. Siç ka deklaruar Kim më pas për policinë, ajo u ishte lutur që t’ia kursenin jetën, duke bërtitur se ka dy fëmijë të vegjël, para se të kuptonte se e vetmja gjë që ata dëshironin ishin stolitë e saj të shtrenjta.
