Kris Jenner e njohur ndryshe si “momager” më e famshme në botë festoi mbrëmjen e shkuar 64-vjetorin e lindjes.
E ëma e Kourtney, Khloe, Kim, Kendall, Kylie dhe Rob ka marrë mjaft dhurata në ditën e saj të veçantë, por nga të gjitha veçoi atë të Kim Kardashian.
Si gjithmonë e kujdesshme dhe plot ide, Kim i ka bërë dhuratë së ëmës “copëza kujtimesh që nuk vdesin kurrë”. Ajo mori Krisin, motrat dhe mikeshat e ngushta të familjes në shtëpinë e tyre të fëmijërisë të cilën e kishte marrë me qira për një ditë. Por nuk mbaron me kaq, ajo kishte gjetur dhe marrë me qira çdo makinë që prindërit e saj kishin pasur gjatë jetës së tyre.
Nëpërmjet një videoje të publikuar në Instagram, Kim ka zbuluar momentin kur i ka treguar së ëmës dhe personave të tjerë të ftuar surprizën dhe Kris ka shpërthyer në lot nga emocionet.
“Sot ne festojmë për nënën time. Kushdo që e njeh atë, e di sa sentimentale është. Për ditëlindjen e saj kam planifikuar një drekë të vogël, me ne fëmijët e saj dhe miqtë më të ngushtë të 40 + viteve. I dërgova ftesat në një vend ku u takuam të gjithë. Kur të gjithë mbërritën, u thashë se kisha një surprizë. Pastaj u dhashë atyre ftesën e vërtetë dhe sapo ato panë adresën se ku do të shkonim dhe lotët mbushën dhomën. Kam marrë me qira shtëpinë e fëmijërisë. Të gjitha kujtimet tona jetojnë këtu, sidomos ato me babanë. Shtëpia është aty ku lindi çdo “fëmijë Kardashian dhe na bëri ne që jemi. U mundova ti mbaja lotët por në fund mbylla derën e banjos dhe shpërtheva në lot.”, shkruan ndër të tjera Kim, duke theksuar se teksa qëndruan në këtë shtëpi, ndjeu prezencën e të atit më shumë se kurrë./Opinion.al
