Dalja e fundit publike e Kim Kardashian ishte në Ekspozitën e re të Thierry Mugler, në Muzeumin e Arteve të Bukura në Montreal. Edhe pse nuk është diçka e re, Kim Kardashian dhe këtë herë i la të gjithë gojëhapur me fustanin e saj. Mirëpo kësaj radhe duket se veshja e zgjedhur ishte një dështim i plotë.
Duke qenë se temperaturat në Montreal ishin -20 gradë celsius, 38-vjeçarja ka tërhequr vëmendjen me fustanin e saj që i ekspozonte pjesë të trupit.
Në daljen publike në fjalë, të shumtë kanë qenë personat të cilët kanë postuar veshjen e saj duke e tallur në komente dhe meme.
“Kim Kardashian është në Montreal aktualisht dhe nuk mendojmë se ajo është informuar rreth motit të acartë sepse veshja dhe këpucët e saj e tregojnë këtë”, shkruanin vendasit në rrjetet sociale./E.M
