Lideri i Koresë së Veriut, Kim Jong Un i është nënshtruar një operacioni në zemër. Sipas CNN, diktatori ndodhet në gjendje të rëndë shëndetësore, pasi më 12 prill ai i është nënshtruar një ndërhyrje kardiovaskulare.
Udhëheqësi koreanoverior nuk mori pjesë në festimet me rastin e ditëlindjes së babait të tij në 15 prill, çka nxiti spekulimet mbi gjendjen e tij shëndetësore.
Pretendohet se problemet shëndetësore të liderit të Koresë së Veriut të kenë ardhur për shkak të të duhanpirjes së tepruar, obezitetit dhe mbingarkesës. Ai po trajtohet tani në një vilë jashtë Penianit dhe gjendja e tij ka filluar të përmirësohet.
Megjithatë, një burim i Koresë së Jugut thotë për CNN se krerët e shtetit janë në dijeni të problemeve shëndetësore të Kim Jong Un, por nuk mund të verifikojnë në mënyrë të pavarur raportimet. CIA dhe Departamenti i Shtetit, ndërkaq, nuk u janë përgjigjur ende kërkesës së CNN për sqarim lidhur më çështjen.
Sigurimi i çdo informacioni rreth liderit të Penianit është një mision gati i pamundur, ndërsa regjimi kontrollon me grusht të hekurt gjithçka lidhet me 36-vjeçarin. Në te kaluarën, mungesat e tij, por edhe paraardhësve në evente të rëndësishme janë lidhur më problem shëndetësore, por ka ndodhur që spekulimet të kenë rezultuar të pabaza, prandaj zyrtarët amerikanë mendojnë se duhet pritur para se mbërrihet në një konkluzion të saktë./ Opinion.al
