Takimi mes dy udhëheqësve korenë në 27 prill është konsideruar si një sukses.
Të dy, vizituan dy anët e kufirit dhe po ashtu mbollën një pemë paqësore. Rezultatet ishin të dobishme, por një pasojë e menjëhershme pas këtij takimi do të ndihet në 5 maj.
Në 5 maj ora e Koresë së Veriut do të kthehet përpara për gjysmë ore, në mënyrë që të dyja koreve t’u përputhem oraret.
Kështu duke nisur nga 5 maji, Koreja e Veriut do t’i lëvizë akrepat me 30 minuta për t’iu përshtatur orës së Koresë së Jugut në atë që nga mediat koreanoveriore cilësohet si një hap i parë praktik drejt pajtimit dhe unitetit kombëtar.
Lideri komunist Kim Jong-un e ka cilesuar pikëlluese e të dhimbshme që orët ta tregojnë ndryshe kohën në Penian e Seul. Ndryshimi i beftë pat ndodhur në 2015-ën, në përvjetorin e 70-të të çlirimit të Koresë nga sundimi japonez.
Zhvillimi i fundit vjen pas takimit historik mes liderëve të dy vendeve ish-armike të premten në zonën e çmilitarizuar, ku u zotuan për denuklearizimin e gadishullit e për nënshkrimin e një traktati paqeje, i cili do t’i japë fund zyrtarisht luftës së vitit 1953, të mbyllur asokohe vetëm me një marrëveshje armëpushimi.
Kim Jon Un duket se po jep sinjale të qarta për gatishmërinë e vënies në jetë të këtyre zotimeve, edhe pse skepticizmi ndaj ndryshimit të papritur të tij, nuk mungon. Një ditë më parë u njoftua së udhëheqësi i Koresë së Veriut ka në plan të ftojë ekspertë dhe gazetare nga Seuli dhe Shtetet e Bashkuara për të parë momentin kur Koreja e Veriut do të mbylle objektin e saj të provave bërthamore, ne maj.
Njoftimin e bënë zyrtare koreano-jugore që citojnë Kim Jon-un-gin të pohojë së Shtetet e Bashkuara, megjithëse janë nga natyra e tyre armiqësore ndaj Koresë së Veriut, do të mësojnë sapo të nisin bisedimet se unë nuk jam një individ që do të përdorë armë atomike kundër Koresë së Jugut apo Amerikës në anën tjetër të Paqësorit.
Aty u përmend më së pari edhe premtimi për të ndryshuar orën me qëllimin që ajo të sinkronizohet me atë të vendit fqinj. Presidenti amerikan Donald Trump ka shprehur optimizëm për takimin me udhëheqësin koreano-verior pas bisedimeve që pati me homologun koreano-jugor Moon Jae-in dhe kryeministrin e Japonisë Shinzo Abe.
Çfarë ilustrimi më të mirë mund të ketë fuqia e një diktatori sesa kontrolli i vetë kohës?
Pa dyshim, jo të gjitha ndryshimet e tilla qëndrojnë në me kalimin e kohës: revolucionarët francezë, të etur për të theksuar pushimin, ndryshe nga e kaluara e tyre monarkiste, nuk arritën të merrnin orën e tyre pas imponimit në 1793. Eksperimentet e Bashkimit Sovjetik dështuan po ashtu me javët pesë dhe gjashtë ditë gjatë viteve 1930.
Hugo Çavez i ktheu orët mbrapa me gjysmë ore në 2007, për të lëvizur Venezuelën në zonën e saj kohore – me sa duket për të lejuar një “shpërndarje më të drejtë të lindjes së diellit”, por gjithashtu për të siguruar që republika socialiste nuk duhej të ndante një zonë kohore me armiqtë, me Shtetet e Bashkuara.
Edhe në Arabinë Saudite janë bërë ndryshime sa i përket kohës. Në vitin 2013 Arabia Saudite e ka kaluar fundjavën e saj nga e enjtja- e premte që e kishte më parë në e premten-e shtunë, për ta sjellë atë në përputhje me shtetet e tjera arabe. Nevoja për një bashkërendim të tillë do të thotë se nuk ka ikje nga kontrolli i centralizuar i orëve dhe i kalendarëve./G.Zaimaj- Opinion.al ©
