Ambasadorja e SHBA-së në Tiranë, Yuri Kim, ka reaguar pas dorëheqjes së Gent Cakajt nga posti i ministrit të Jashtëm në detyrë.
Përmes një postimi në rrjetet sociale, Ambasadorja falenderon Cakajn për bashkëpunimin dhe forcimin e marrëdhënieve mes SHBA-së dhe Shqipërisë.
“Faleminderit Gent Cakaj për të gjitha përpjekjet tuaja për t’u forcuar marrëdhëniet mes SHBA-së dhe Shqipërisë, përfshirë NATO-n si aleatë.
Miqësia midis dy vendeve tona vazhdon për shkak të udhëheqësve si ju. Ju urojmë suksese në të gjitha përpjekjet tuaja të ardhshme. Faleminderit“.
Gjithashtu, ambasadorja Yuri Kim ka uruar për detyrën e re edhe Olta Xhaçkën, e cila tashmë do të mbajë postin e ministres së Jashtmja.
“Ne e mirëpresim emërimin e Olta Xhaçkës si Ministre e Jashtme. Ajo ishte një partner i jashtëzakonshëm në forcimin e marrëdhënieve të mbrojtjes midis SHBA-së dhe Shqipërisë dhe në rritjen e aftësitë si aleat në NATO. Ne shpresojmë të punojmë ngushtë së bashku për të forcuar më tej partneritetin tonë diplomatik” shkruan Kim./Opinion.al
