Ambasadorja e Ambasadës Amerikane Yuri Kim dhe Ambasadori i Bashkimit Europian Luigi Soreca, kanë zhvilluar ditën e sotme një takim me gjyqytarët e Gjykatës Kushtetuese.
Nëpërmjet një postimi në “Facebook”, Ambasada Amerikane shkruan se gjyqtarët duhet të veprojnë me pavarësi dhe integritet në dhënien e drejtësisë, pavarësisht nga institucioni që i emëroi ata në Gjykatë.
“Sot, Ambasadorja Kim dhe Ambasadori i BE Soreca u takuan me anëtarët e Gjykatës Kushtetuese, për t’i falenderuar që iu përgjigjën thirrjes së detyrës, e cila i mundësoi Gjykatës kuorumin e nevojshëm për të funksionuar. Ajo nënvizoi detyrimin që gjykatësit të veprojnë me pavarësi dhe integritet në dhënien e drejtësisë, pavarësisht nga institucioni që i emëroi ata në Gjykatë. Ambasadorja Kim theksoi rolin e rëndësishëm që Gjykata luan për të siguruar kontrollin dhe balancën e institucioneve të Shqipërisë dhe për të siguruar shtetin e së drejtës. Ajo përsëriti se mbështetja e SHBA do të vazhdojë, përfshirë edhe nëpërmjet sigurimit të ndihmës teknike. Shtetet e Bashkuara do të vazhdojnë të mbështesin me forcë zbatimin e Reformës në Drejtësi, dhe nxisin autoritetet përkatëse të sigurojnë që Gjykata Kushtetuese të ketë trupën e plotë të nëntë gjykatësve në të ardhmen e afërt, në mënyrë që populli i Shqipërisë të ketë drejtësi të vërtetë, në përputhje me statusin e Shqipërisë si një aleate e NATO-s dhe aspirante për në BE.”- shruan Ambasada Amerikane në Facebook.
Ndërkaq për këtë takim ka reaguar më herët edhe Ambasadori i Bashkimit Europian Luigi Soreca. Soreca thekson se Bashkimi Europian do të vazhdoj mbështetjen e të gjitha institucioneve të drejtësisë deri sa ato të sjellin rezultat tek qytetarët.
“U takova sot me anëtarët e GjK, së bashku me ambsadoren e Ambasadës Amerikane, Yuri Kim. I falënderoj ata që morën një sfidë kaq të vështirë në një moment të rëndësishëm për. I uroj më të mirën në punën e tyre për çështjet të rëndësishme që gjykata do të shqyrtojë së shpejti.
Sigurimi i funksionalitetit të gjykatës ishte një arritje e madhe, e mundur falë angazhimit politik të Presidentit dhe Parlamentit dhe punës efektive të KED. Tani ka bërë një hap kritik drejt Konferencës së parë Ndërqeveritare. BE do të vazhdojë mbështetjen e saj të fortë për të gjitha institucionet e drejtësisë në reformën në drejtësi qe ato të sjellin rezultatet që qytetarët shqiptarë presin.”- shkruan Soreca në Twitter./Opinion.al
