Ylli televiziv Kim Kardashian është në pritje të fëmijës së saj të katërt nga një nënë mbartëse. Këtë herë familjes do të shtohet një djalë, duke u bërë kështu dy vajza dhe dy djem.
E ftuar në emisionin “Jimmy Kimmel Live” së bashku me motrat e saj Khloe dhe Kourtney ajo u pyet nëse ajo dhe Kanye kanë menduar ndonjë emër për të voglin që është duke ardhur. Kim u shpreh se deri në këto çaste ka menduar që ta quajë djalin, Rob, si vëllai i saj më i vogël. Megjithatë ajo u shpreh se ky nuk shkonte dhe aq me emrat e veçantë të tre fëmijëve të tjerë, pasi Rob ishte mjaft i zakonshëm.
“E kam një emër. Po mendoja vërtet ta quaja Rob, si vëllai im. Nuk shkon shumë në të vërtetë, kemi North, Saint, Chicago – Rob. Por unë po e ndjeja dhe vëllai ishte dakord. Kështu që ky është emri i vetëm për tani Më pëlqen Rob West, por jo Robert West”, –u shpreh Kardashian.
Gjithashtu ajo tha gjatë intervistës se ka kërkuar edhe për emra armenë, ndërkohë që do të presë 3-4 ditë pasi të lindë djali, për të parë sesi duket ai për të vendosur më pas nëse do të quhet Rob apo do të ketë një emër tjetër./Opinion.al/
