Çifti i njohur i showbizit botëror Kim Kardashian dhe Kanye West janë në pritje të vogëlushit të tyre të katërt. Sipas Us Weekly, i vogli i cili do të lindë nga një nënë mbartëse do të vijë në jetë në muajin maj.
Çifti ka nisur përgatitur për të pritur më të voglin e shtëpisë, madje kanë nisur të interesohen se në cilën çerdhe do ta çojnë.
Në përgatitjet për pritjen e të voglit është angazhuar edhe 5-vjeçarja North, vajza e madhe e Kim dhe Kanye, e cila tashmë kupton çdo gjë.
Sa i përket emrit ata nuk e kanë menduar akoma, madje thuhet se mund të presin deri në ditën e fundit kur i vogli të lindë për t’ia vendosur.
Ata ndihen shumë mirë dhe të paduruar për të patur të voglin në duart e tyre. Në fillim Kim ishte skeptike nëse duhej të kishin edhe një fëmijë tjetër në familje, por më pas vendosi që kjo ishte gjëja e duhur. Ky do të jetë fëmija i dytë i çiftit që vjen në jetë përmes një nëne mbartëse pas të voglës Chicago./Opinion.al/
