Zjarri më i fuqishëm në historinë moderne të Kilit ka kthyer në “shkrumb e hi” një qytet të tërë.
“The Guardian” raporton se zjarri, i cili fillimisht kaloi tej Santa Olgas – komuniteti më i madh i ndikuar në rajonin Maule në Kilin Qendror – ka shkrumbuar 1000 ndërtesa.
Shumica e banorëve të Santa Olgas u evakuuan, por forcat e shpëtimit gjetën trupin e pajetë të një personi.
“Ajo që kemi përjetuar këtu është njësoj si ferri i Dantes,” tha Carlos Valenzuela, kryetar i baskisë së qytetit të Constitucion-it.
“Ne po merrnim veten nga tërmeti i fundit, por kjo tragjedi ka ngatërruar gjithçka,” tha ai.
Të paktën shtatë persona, përfshirë edhe katër zjarrfikës kanë humbur jetën në më shumë se 90 zjarre që kanë rënë në Kili përgjatë javëve të fundit.
Korporata Kombëtare e Pyjeve thotë se rreth 238 000 hektarë pyje janë shkrumbuar në të gjithë vendin.
Me sinoptikanët që parashikojnë më tepër erëra dhe temperatura të nxehta, Ministri i Brendshëm i Kilit ka paralajmëruar banorët për më shumë zjarre në ditët në vazhdim./tvklan.al
