Të gjitha vajzat që kanë hedhur pas krahëve shijen e hidhur të ndarjes kanë gjetur forcë tek kënga më e re e Ariana Grandes “Thank U, Next”, e cila falenderon të gjithë ish-ët e saj një e nga një. Duket se edhe moderatorja shqiptare Kiara Tito, ka zgjedhur të bëjë të njëjtën gjë!
Kiara ka publikuar mbrëmjen e sotme një foto në profilin e saj në “Instagram”, ku pozon në rrugë e veshur me një fustan të zi me lule ngjyrë floriri. Mesazhi në përshkrimin e fotos është shumë i qartë dhe me siguri i dedikohet ish-të dashurit të saj Butrint Imeri.
Kiara ka përdorur titullin e këngës si përshkrimin e fotos duke e falenderuar Butrintin për kohën që ishin bashkë. Mirëpo kaq ishte, s’ka më kohë për lot sepse Kiara thotë ‘tjetri’.
“Faleminderit, tjetri” – shkruan krahas fotos Kiara, ku duket se ka lënë pas krahëve shijen e hidhur të ndarjes me këngëtarin shqiptar.
Pra, siç e shihni, Kiara ka ecur përpara me jetën e saj dhe është shumë e lumtur!
