Intervista e modeles Jordyn Woods lidhur me tradhtinë e saj dhe të basketbollistin Tristan Thompson shkaktoi shumë reagime të yllit televiziv Khloe Kardashian. Ndërkohë që Jordyn ishte duke dhënë intervistën Khloe ka shkruar në rrjete sociale se ajo ishte gënjeshtare dhe prej saj familja e Kardashian ishte shkatërruar.
Megjithatë duket se një ditë më vonë Khloe është qetësuar dhe është tërhequr. Ajo ka bërë postime të tjera në rrjete sociale, ku është shprehur se fajin për këtë situatë e ka Tristan, i cili e ka tradhtuar. “Kjo ka qenë një javë e shëmtuar dhe të gjithë ju jeni lodhur duke dëgjuar për të, ashtu si unë.
Kam përjetuar shumë emocione dhe kam thënë gjëra që nuk duhej t’i thoja. Të them të drejtën fakti që Tristan më ka tradhtuar dhe më ka poshtëruar nuk ka qenë kaq e tmerrshme sa herën e parë. Ajo çfarë ishte shumë e dhimbshme për mua, ishte të lëndohesha nga dikush shumë afër meje.
Dikush që doja dhe e kam konsideruar si motrën time. Por Jordyn nuk duhet fajësuar për shkatërrimin e familjes time. Ky është i gjithë faji i Tristan. Tani duhet të eci përpara me jetën time si dhe të vlerësoj gjërat që kam, familjen time, shëndetin tim dhe vajzën time të bukur True,”-përfundon Khloe. Nuk dihet çfarë ka ndodhur që Khloe ka zbutur në këtë mënyrë qëndrimin ndaj mikeshës së familjes Jordyn./Opinion.al/
