Tradhtia e fundit e basketbollistit Tristan Thompson me mikeshën e familjes, modelen Jordyn Woods, duket se e ka shkatërruar tërësisht yllin televiziv Khloe Kardashian.
Ajo është fotografuar nga paparacët e veshur me një pallto rozë dhe me syze dielli të mëdha, ndërkohë që po nisej në një udhëtim së bashku me motrën e saj Kim, për të takuar bashkëshortin e kësaj të fundit Kanye West.
Ndonëse është përpjekur të fshehë gjendjen e saj shpirtërore, postimet në rrjete sociale kanë treguar të kundërtën. Ajo ka publikuar tre foto ku shkruan: “Dikush t’a dëgjojë këtë…që tradhtia ishte bekimi yt. Nëse të pyesin për mua thuaji: “Ajo ishte i vetmi përson që më ka dashur me ndërshmëri dhe unë e kam thyer atë. Dhimbja më e keqe është të lëndohesh nga dikush të cilit ti ja ke shpjeguar dhimbjen tënde,”-përfundon Kardashian.
Ylli televiziv i dha fund marrëdhënies me basketbollistin pas një sërë tradhtish të kryera prej tij, edhe në kohën kur ajo ishte shtatzënë me vajzën e tyre True. Ndonëse Khloe e fali asokohe, Tristan ka vijuar të tradhtojë besimin e saj dhe këtë herë me mikeshën e familjes së tyre./Xh.K/Opinion.al/
