Nëse më parë kanë qenë aludime, me intervistën e fundit që ka dhënë personazhi i njohur televiziv Khloe Kardshian ka dhënë të gjithë indiciet që shumë shpejt do të kthehet me ish-partnerin e saj, baskebollistin Tristan Thompson.
Gjatë një interviste për “On Purpose” ajo ka theksuar se po e lë pas zemërimin që ka patur në të kaluarën.
“Unë nuk mendoj se ai është një njeri i keq. Mendoj se të gjithë bëjmë gabime, jemi njerëz. Por vetëm do lëndohem më shumë nëse vazhdoj të mbahem tek ai inat dhe të luaj rolin e viktimës. Nuk besoj në viktima. Besoj në ‘Ok, më ndodhi, ta zgjidhim, dhe të ecim para’, ndoshta nëse do jem e sinqertë për të do ndihmoj dhe njerëz të tjerë ta shohin me më shumë pozitivitet. Nuk mund të dënojmë dikë vetëm sepse mëkaton ndryshe nga ty”,-ka thënë ajo.
Kujtojmë se muaj më parë Thompson u fotografua në një festë duke u puthur me ish-mikeshën e ngushtë të familjes Kardashian-Jenner, Jordan Woods dhe për këtë arsye Khloe i dha fund lidhjes me të, ndërkohë që kanë së bashku një vajzë 1-vjeçare me emrin True.
Kjo nuk ka qenë tradhtia e parë e tij, e cila është pasqyruar në media, por mesa duket ajo do t’i japë edhe një shans tjetër historisë së tyre./Opinion.al/
