Nuk është edhe aq e vështirë të zbulosh tradhtinë e një mashkulli. Sidomos me zbulimet e sociologëve të cilët e bëjnë më të thjeshtë të kuptojmë tradhtinë. Nëse keni kohë që dyshoni, ose nëse dëshironi të hiqni dyshimet njëherë e mirë, zbulojini shenjat si më poshtë.
Janë më të dashur dhe më të afeksionuar ndaj partneres. E keni gabim nëse mendoni se humbasin interesin për ju. Sipas psikologëve, ndjenja e fajit i shtyn meshkujt të jenë më të dashur ndaj partneres së tyre, dhe madje më të interesuar seksualisht. Bëni kujdes nëse papritur ai fillon të sillet më mirë se sa duhet me ju.
Janë më të rezervuar me pajisjet teknologjike. Nëse mendoni se ata kalojnë më shumë kohë me telefonin e tyre kur ju tradhtojnë e keni shumë gabim. Meshkujt nuk janë aq budallenj, dhe tanimë i shmangin sa më shumë pajisjet teknologjike në praninë tuaj, nga frika se mos zbulohen.
Janë më të gatshëm për të chatuar. Ja edhe diçka tjetër që mund t’ju ketë shpëtuar. Ndërsa ju friksoheni kur partneri nuk ju shkruan më si më parë, sociologët sugjerojnë që duhet të shqetësoheni më tepër kur ai është tejet i ngjitur për të biseduar me ju. Kjo ka të bëjë me dëshirën e tyre për të mos u zbuluar./Opinion.al
