E gjithë bota u njoh ditën e djeshme me trashëgimtarin më të ri në moshë të Mbretërisë së Bashkuar.
Ishte dukesha e Kembrixhit, Kate Middleton ajo që rreth orës 6 të mëngjesit shkoi në spitalin privat ku më herët kishte sjellë në jetë edhe princin George dhe princeshën Charlotte, për të nxjerrë në dritë këtë herë, trashëgimtarin më të ri.
Mirëpo, ajo që ndoshta ju nuk dini, është që Dukeshës i është dashur të ndjekë ndër të tjera, disa rregulla të çuditshme që duhet të ndjekë çdo femër që sjell në jetë një fëmijë mbretëror në Britaninë e Madhe.
Më poshtë po ju njohim me disa prej tyre:
Mbretëresha duhet ta dijë e para – Askush që ndodhet jashtë sallës së lindjes nuk duhet ta dijë para mbretëreshës, që fëmija ka lindur dhe është në gjendje të mirë shëndetësore. Pasi erdhi në jetë princi George, Princi William lajmëroi gjyshen përmes një telefoni të enkriptuar, për t’i dhënë lajmin e mirë. Të njëjtën gjë bëri edhe me pasardhësin më të ri. Gjithë pjesa tjetër, përfshirë edhe prindërit e Kate, do të lajmërohen më vonë.
Një tellall lajmëron lindjen – Për disa arsye, një tellall del në rrugë dhe lajmëron lindjen e foshnjës. Këtë herë ishte Tony Appleton ai që lajmëroi ardhjen në jetë të foshnjes. Tony është shndërruar në tellallin jozyrtar të mbretërisë gjatë viteve të fundit. Ai ka lajmëruar lindjen e princit George dhe të princeshës Charlotte, por edhe fejesën e princit Harry me Meghan Marcle.
Një objekt vendoset para Buckingham Palace – Një tjetër mënyrë e shpalljes së lindjes së foshnjës është duke vendosur një ornament të këtij lloji përpara Buckingham Palace. Lajmi nuk mund të jepet as në Twitter, nëse ky ornament i shpalljes së lindjes së foshnjës nuk vendoset para pallatit.
Lindja shenjohet me 41 të shtëna topash – Shumë nëna nuk duan të kenë zhurma të forta kur lindin një fëmijë, por ja që Kate do të duhet të durojë edhe një herë. 41 të shtëna me top njëra pas tjetrës bëhen nga King’s Troop Royal Horse Artillery.
