Në jetë takojmë shumë njerëz, të cilët jo domosdoshmërisht qëndrojnë gjatë. Disa prej tyre na bëjnë të lumtur, e ndërsa të tjerë arrijnë ta kthejnë jetën tonë në një sfidë të vërtetë. Dhe është shumë e rëndësishme të kuptojmë se cilët janë disa nga tipet e njerëzve që është më mirë t’u qëndrojmë larg…shumë larg.
1- Xhelozit dhe atij që bën kritikun në 24 orë të ditës
Disa njerëz nuk dëgjojnë askënd tjetër përveç vetes. Janë pikërisht këta që kritikojnë pa pushim dhe vetëm thonë se je gabim, aq sa vjen një moment dhe e gjen vetëvlersimin në tokë. E ndërsa partneri xheloz (dhe jo vetëm si partner) është një problem më vete. Ata nuk do të lumturohen kurrë nga sukseset tuaja. Dhe këta tipa, vështirë se ndryshojnë. E shohin dhe trajtojnë këdo si të ishte armiku i tyre. Larg!
2- Ata që gjithçka e marrin për dobësi
Janë pikërisht ata që pavarësisht çdo gjëje që ti bën, nuk do t’i vlerësojnë kurrë përpjekjet e tua. Nëse ti përgatit një darke të veçantë dhe ai as që e vë re këtë, por e merr të mirëqënë duke menduar se kjo është thjesht detyra jote, kini kujdes. Kjo mund të vazhdojë gjatë. Mendoni më shumë për veten tuaj dhe do ta shihni sa njerëz mirënjohës ka rreth e rrotull.
3-Të vlefshëm për asgjë
Disa njerëz thjesht nuk janë të interesuar në nevojat apo ndjenjat e tua. Ata bëjnë gjithçka mbi kurrizin tënd dhe as që mendojnë të ndryshojnë. Në zhargonin e përditshëm i quajmë ndryshe ‘parazit’. Tipa të tillë, jo vetëm që kanë aftësinë të të shkatërrojnë mendërisht por edhe financiarisht.
4- Manipuluesit
Nderet e vockla nuk janë ndonjë gjë e madhe, por kur kjo shtohet, përsëritet dhe e kalon masën, me shumë gjasa po ju manipulon. Disa njerëz janë të mirë vetëm për t’ju dhënë dhimbje koke. Manipulatorët janë kaq të vetëkënaqur kur dëshirat dhe objektivat realizohen vetëm duke marrë nga partneri/partnerja tjetër. Dhe nëse me ty ia doli, me siguri është në kërkim të një tjetër viktime.
