“Ligjin për ndihmën juridike duhet tua çojmë për konsultim Habilajve”. Kështu tha me ironi deputeti demokrat, Oerd Bylykbashi në Komisionin e Ligjeve dhe më pas opozita u largua nga mbledhja. Kreu i Komisionit, socialisti Ulsi Manja i është përgjigjur “mund t’ia çojmë edhe kreut të Bashkisë Mallakastër apo Prokurorit për të mbyllur dosjen”.
Pjesë nga debati
Bylykbashi: “Këtë ligj t’ua çojmë Habilajve për konsultim”.
Manja: “Mund t’ia çojmë edhe kreut të Bashkisë Mallakastër apo Prokurorit për të mbyllur dosjen”.
Bylykbashi: “I garantuat vetes imunitet gjyqësor. Ju bëtë çmos për t’i dhënë ndihmë jurdike personave të lidhur me mafian. Ju i jepni asistencë kriminelëve. Rama e Tahir ii ndajnë me metra kub eurot e krimit dhe drogës me trafikantët.
Manja: “PD e ka vetëm retorikë politike luftën kundër korrusionit dhe dekriminalizimin. Opozita e bashkuar bllokoi ligjin e dekriminalizimit për kreun e Mallakastrës”.
