Parlamenti pritet të mblidhet në dy seanca këtë javë, të enjten e të premten, që do jenë të fundit për këtë sesion parlamentar. Kjo u bë e ditur gjatë mbledhjes së grupit parlamentar të PS. Burime pranë mbledhjes që drejtohej nga kryeministri Rama, bënë të ditur se në seancën e të enjtes socialistët do rrëzojnë dekretin e Metës që ktheu për rishqyrtim në kuvend, buxhetin për vitin 2019. Ndërsa të premten do mbahet një seancë e posaçme për amendamentin kushtetues të opozitës për Vettingun në politikë, tashmë edhe me një opinion zyrtar nga Komisioni i Venecias.
Por a do të shkojë PD këtë javë në parlament për të shpëtuar mandatet?
Kësaj pyetje nuk i dha nje pergjigje te prerë kryedemokrati Basha. Ai u pyet nga mediat dhe u shpreh se nuk është marrë ende vendimi.
Kur do riktheheni në parlament, të enjten apo të premten?
Basha:Atë do t’jua bëjmë të ditur, pasi të kemi marrë një vendim politik, në konsultim me të gjithë aleatët.
Kur do merret ky vendim?
Basha: Do ta keni informacionin, pa merak.
