Mos harroni që këtë fundjavë akrepat e orës do të kthehen një orë pas.
Kështu, do të flemë 1 orë më shumë, por do të kemi një orë më tepër errësirë.
Dy herë në vit orët tona ndryshojnë për një orë dhe njerëzit fitojnë ose humbin një orë gjumë.
Të gjitha pajisjet dixhitale si celularë e kompjuter përditësoshen në mënyrë automatike, ndërsa manualisht duhet të ndryshojmë vetëm orët analoge.
Ora diellore do të qëndrojë në fuqi deri fundjavën e fundit të muajit Mars, e dielë 31 Mars, kur do të kthehet sërish ora ligjore, e cila që për herë të parë u vendos për të kursyer energji elektrike.
Me ndryshimin e orës, vijnë edhe një sërë efektesh në ritmet e organizimit. Duke patur 60 minuta më pak dritë natyrale, evidentohen një sërë shqetësimesh të lehta në orën e brendshme të organzimit që shërben si rregullator, kryesisht e orëve të gjumit dhe nervozizmit.
