Këshilltari i sigurisë kombëtare i Donald Trump, Mike Waltz dhe zëvendësi i tij, Alex Wong, do të largohen nga postet e tyre pasi humbën besimin e zyrtarëve të tjerë të administratës dhe u gjendën pa aleatë në Shtëpinë e Bardhë.
Shkarkimi tij nga ky post duket se ka të bëjë me “Signal-Gate” të ndodhur Marsin e shkuar, ku në një grup bisede në rrjetin Signal ku ishte shtuar pa dashje një gazetar u ndanë planet për sulmet ushtarake në Jemen.
Ekipi i Trump atëherë i minimizoi rreziqet e sigurisë dhe tha se asnjë material i klasifikuar nuk u nda në bisedë, por duket se Trump ka pritur që situata të qetësohej përpara se të merrte masa për atë që kishte ndodhur.
Nuk ishte menjëherë e qartë se kë do të emëronte Trump si këshilltarin e tij të ardhshëm për sigurinë kombëtare. Një kandidat kryesor ka qenë Steve Witkoff, i dërguari i Trump për të negociuar një marrëveshje paqeje Rusi-Ukrainë dhe një marrëveshje të re bërthamore me Iranin.
Ndërkohë, Trump komentoi shkurtimisht shkarkimin e Waltz-it për shkak të ngjarjes së marsit./Opinion.al
