Faton Peci, këshilltari i presidentes në detyrë të Kosovës, Vjosa Osmani, ka deklaruar se fushata ndaj saj po zhvillohet e ashpër, pasi Osmani është kërcënuar edhe me jetë.
Përmes një postimi në “Facebook”, Peci shkruan se reagimi ndaj presidentes ka kohë që është i ashpër, duke shtuar se Osmani tashmë e ka kaluar fazën e kërcënimeve dhe se çdo përpjekje për ta frikësuar është e kotë.
“Fushata e egër kundrejt u.d. Presidentes ka një kohë të gjatë që po përcillet edhe me kërcenime me jetë.
Të gjithë ata që po tentojnë t`i drejtojnë shtizat kah ajo, në fakt po i kthejnë kah vetja. Zonja Osmani është politikane që e ka kapërcy stadin e kërcënimeve dhe tendencave për denigrim.
Zonja Osmani për qytetarin e thjeshtë është personifikim i guximit e konsistencës, ndaj çfarëdo përpjekje për ta frikësuar apo kërcënuar është e kotë!
Ajo ende guxon dhe sërish do të guxojë!”, shkruan Peci.
