Aktualitet

Këshillimi Kombëtar/Rama-socialistëve:Angazhohuni seriozisht, kur përfundon nisma



Bëhu pjesë e Grupit Zyrtar të Opinion.al
>> KËTU <<
               Publikuar në : 10:44 - 24/01/22 |
Opi Nion

Kryeministri Edi Rama këtë të hënë po zhvillon mbledhjen e Grupit Parlamentar të PS. Gjatë fjalës së tij, Rama u ndal te nisma për Këshillim Kombëtar, për të cilën tha se është një nismë përtej ndasive politike,  ndërkohë që ka shtuar se do të ruhet anonimati 100% i çdo pjesëmarrësi.

“Ky proces kërkon të dëshmojë vetëdijen tonë demokratike që për vendimet e hedhura në Këshillim nuk na mjafton vetëm qëndrimi ynë apo mandati, por edhe mendimi i opinionit, zgjerimi i harkut të mendimit, përtej llogores tonë partiake, duke marrë opinionin e atyre që nuk janë votuesit tanë. Ky proces mund të ketë pikëpyetje dhe të metat e veta, siç edhe do ketë kundërshti përkatëse dhe do marrë racionin e vetë të baltës, por besoj se asnjë pikëpyetje dhe as balta e pritshme nuk e ul vlerën e këtij investimi në funksion të fuqizimit të lidhjes së punës me njerëzit e zakonshëm të këtij vendi, si dhe të epokës së zymtë të ndasisë partiake, duke shkuar te njerëzit, jo vetëm për fushata zgjedhje”, tha ndër të tjera Rama.

Më tej Rama tha se parashikon që koha e përfundimit të nismës për Këshillim Kombëtar është java e fundit të marsit, apo java e parë e prillit.

“Të angazhoheni seriozisht, të inkurajojmë duke dalë nga rrathët e mbyllur të partisë tonë dhe të diskutoni me grupet e interesit. Siç e thashë shpërndarja e plotë e pyetësorit parashikohet deri më 22 shkurt, që e bën realist nxjerrjen e objektivave në javën e fundit të marsit, apo të parë të prillit. Kohë që përkon edhe me Kongresin. Këtë edhe me ministrinë vendosëm që të shtyjmë edhe për shkak të pandemisë së koronavirusit. Nuk do të hedhim asnjë hap të nxituar për këtë arsye.”, tha Rama./Opinion.al

Pas