Teksa ka ndarë pyetjen e katërt të pyetësorit për Këshillim Kombëtar që lidhet me personat që kanë përfituar statusin e pensionistit por që ende vijojnë të punojnë, kryeministri Edi Rama ka bërë me dije se janë 16.544 qytetarë që kanë plotësuar formularin online në 24 orët e para.
“Me falënderimin e madh për 16.544 bashkëqytetarët e bashkëqytetaret, kudo ndodhen, që janë përfshirë deri mbrëmë në Këshillimin Kombëtar, duke e plotësuar pyetësorin online qysh në 24 orët e para, ju ftoj të gjithëve të bëheni pjesë e këtij kuvendimi popullor për çështje me rëndësi strategjike për Shtëpinë tonë Shqipërinë”, shkruan Rama.
Kryeministri këtë të shtunë u kërkon mendimin qytetarëve në lidhje me personat që kanë përfituar statusin e pensionistit, por që ende vijojnë të punojnë. Për këta persona, ka disa që thonë se ata nuk duhet të paguajnë kontribute shoqërore.
