Kryeministri Edi Rama ka reaguar për vendimin e Këshillit Europian për shtyrjen e marrjes së vendimit për çeljen e negociatave në Tetor.
Rama e konsideron lajm shumë pozitiv vendimin e sotëm të marrë nga Këshilli. Sipas tij Shqipëria po reziston në luftën kundër baltës që po hidhet mbi të dhe që po e pengon në celjen e negociatave.
“Lajm shumë pozitiv nga Europa në rrugën e çeljes së negociatave. Pavarësisht luftës pa limite të frontit politik të së keqes,që po bën çmos të sakatojë vendin në sytë e Europës,për të bllokuar negociatat me sharje,kërcënime,molotovë e përgjime baltosëse,Shqipëria po reziston. Ministrat e jashtëm të BE kanë miratuar në Luksemburg, kalimin tek kryetarët e shteteve të rekomandimit për Shqipërinë e Maqedoninë e Veriut,me synim muajin tetor. Le t’i rezistojmë deri në fund ofensivës së baltës dhe gurëve kundër Shqipërisë. Të gjithë bashkë në 30qershor” shkruan Rama në Twitter. /Opinion.al
