Ka përfunduar pas rreth 40 min mbledhja e Këshillit Politik e cila ka zhvilluar mbledhjen e radhës këtë pasdite, për të diskutuar mbi ndryshimet politike për Reformën Zgjedhore.
Në mbledhjen e sotme morën pjesë kryeministri Edi Rama dhe negociatori socialist, Damian Gjiknuri, si dhe përfaqësuesit e opozitës parlamentare, Rudina Hajdari dhe Myslim Murrizi.
Murrizi u shpreh e vetmja nismë ligjore që ka deformuar demokracinë në Shqipëri, është 21 prilli i vitit 2008 dhe theksoi se grupi i tyre nuk e voton marrëveshjen e 5 qershorit.
“Pati debat për gardhin, se nuk kemi për cfarë debatojmë aty. Ekspertët thanë se edhe nëse më 30 votohen ndryshimet kushtetuese nuk preket asgjë nga marrëveshja e famshme e qershorit. Kështu që nuk shoh pse nuk vijnë, cfarë kanë, që të na mbushin mendjen edhe neve.
E vetmja nismë ligjore që ka deformuar demokracinë në Shqipëri, është 21 prilli i 2008, që shqiptarëve iu është mohuar e drejta e zgjedhjes. Shqiptarët janë kthyer thjesht në votues, jo zgjedhës. Kështu që ndryshimet rregullojnë demokracinë, votën, aq sa mundet në Shqipëri.
Grupi jonë parlamentar për marrëveshjen e 5 qershorit është shprehur me firmë se nuk e voton. Ata janë gjithë kohën bashkë, vetëm orari i gjumit i ndan”, tha Murrizi.
Sakaq, Hajdari nuk bie dakord që 1/3 e Listave të jetë e mbyllur dhe i bëri apel sërish opozitës jashtëparlamentare të jetë në tryezë.
‘’Opozita jashtëparlamentare duhet të ishte sot. Ne e kemi shumë të qartë se pse jemi në këtë tryezë. Duam Listat e Hapura 100%. Në këtë mënyrë duhet patjetër që opozita parlamentare që kanë mbështetur parimin, duhet që listat të hapen 100%, dhe jo 1/3 të jetë e mbyllur. Ta kenë në dorë partitë nëse duan apo jo të mbyllen, por kandidatët duhet të dalin me ide dhe emra, dhe jot ë zgjidhen nga kryetarët, por nga populli.’’- tha Hajdari./Opinion.al
