Përfaqësuesit e opozitës në Këshillin Politik, Oerd Bylykbashi dhe Petrit Vasili, këmbëngulin në qëndrimet e tyre për ekspertizën e OSBE/ODIHR në zgjidhjen e mosmarrëveshjeve për Kodin e ri Zgjedhor.
Sipas Bylykbashit, Gjinkuri refuzoi të tërhiqej nga qëndrimi i tij, “për të ndryshuar rregullat kur loja kishte filluar.”
Sipas tij nëse Ps do të mbajë të njëjtin qendrim bllokon punën në Këshill e si pasojë Reformën Zgjedhore, sepse shkel një nga pikat e marrëveshjes së 14 janarit.
Ndërkohë Petrit Vasili pohoi se gjatë mbledhjes së Këshillit, Gjiknuri deklaroi se mazhoranca miraton ligjin që ju leverdis, duke theksuar se nuk do hapjen e listave.
”Mënyra si u procedua, kemi qenë në diskutim e sipër, Gjiknuri braktisi tryezën në mënyrë të njëanshme. Dua të ndaj me ju një deklarim shumë të rëndë. Gjinkuri deklaroi qartaz dhe hapur, se janë mazhorancë dhe ndaj garantojnë ligjin që iu leverdis.
Kjo shpjegon edhe për qytetarin më të fundit, e më pak të interesuar, se kemi një qëndrim të njëanshëm, të diktuar nga frika e humbjes së zgjedhjeve. Dhe për të manipuluar rezultatin,
I kemi kërkuar, pse ka frikë PS t’i drejtohemi OSBE. Për çështjet që nuk ka dakordësi, që më tepër për një çështje madhore, siç është ndryshimi i njëanshëm i Kushtetutës.
Haptaz dhe qartë provuan sot edhe njëherë se nuk u intereson që shqiptarët të votojnë ata që ata duan, listat 100%, dhe partinë që duan. U kanë hequr shqiptarëve dy mundësi, të votojnë për kandidatin dhe partinë. Asnjë nga ju, kur shkoni si qytetarë do zgjidhni dy preferenca, partinë dhe kandidatin që ju bind më shumë.
I përsëritëm edhe njëherë se duam rregulla të barabartë. Mazhoranca do rregulla të favorizojë vetveten. Dëmi që po i bën mazhoranca, një armike konstante e integrimit europian. BE nuk e quan kusht të realizuar Reformën Zgjedhore pa e dhënë fjalën OSBE/ODIHR. PS do të mbajë pushtetin dhe të rruhet nga pandëshkueshmëria. I gjithë qëllimi i saj është politik. Çështjet pse ne i drejtohemi ODIHR janë parimore, të mëdha.”- tha Vasili./Opinion.al
