Valentina Leskaj nuk ka qenë e pranishme në Komisionin e Mandateve dhe Imunitetit, ku opozita ka kërkuar përfundimin e mandatit të saj si deputete, por është përfaqësuar nga avokati i saj z. Hajdari, i cili ka argumentuar përse fëmijët e znj. Leskaj nuk kanë lidhje punën e saj si deputete. Dhe se nuk ka shkelje të ligjit të parandalimit të konfliktit të interesit të zyrtarëve të lartë.
“Në cilësinë e mbojtësit të deputetes Valentina Leskaj ne kemi paraqitur kërkesat tona, pretendimet e paraqitura nga PD për mbledhjen e Këshillit për Rregulloren dhe për mbarimin e deputetes së Leskaj nuk qëndrojnë, sic parashikon neni 70, pika 2. Shoqëria ‘Matriks’ nuk është e vetmja në këtë koncension, por ajo ka 30% sepse 70% i ka një operator tjetër në treg, kjo për rrethana në faktit.
Valentina Leskaj nuk ka kryer asnjë shkelje, sepse nuk ka pasur asnjë ndikim në vendimmarrjet për tenderat. Fëmija është madhor, ka një jetë të vetën, familjare, shoqërore nuk interpretohet ashtu siç thoni ju se i bie që mos të kishte asnjë veprimtari private të fëmijëve të deputetëve”
