Këshilli Bashkiak i Tiranës pas debateve të shumta ka miratuar vetëm me votat e mazhorancës projekt vendimin për taksat vendore ndaj bizneseve.
Këshilltarët e djathtë në bashki kanë akuzuar kryebashkiakun Erion Veliaj, ndërsa Leonard Olli u shpreh se“Tentativa e Veliajt për të shmangur transparencën me biznesin që ishte këtu është një shmangie nga përballja me të vërtetën dhe grabitjen që kemi denoncuar që në dhjetor.
Jemi para absurditeteve të Erion Veliajt, ku ligjet shpërfytyrohen. Këto janë veprime për interesat private të bashkisë dhe jo të komunitetit”deklaroi ai.
Këshilltarët e djathtë kërkuan në mbledhje heqjen e taksës për infrastrukturën arsimore, shfuqizimin sips tyre të 15 tarifave të vendosura aforfe dhe uljen me 30% të taksave në buxhetin e shtetit.
Gjatë mbledhjes së Këshillit jashtë ambienteve të bashkisë ishin edhe shumë tregtarë që protestuan për taksat, ndërsa disa prej tyre tentuan që të futen edhe në mbledhje.
Kryetari i Shoqatës së Biznesit dhe Mbrojtjes së Tregtarëve, Nikollaq Neranxi u shpreh se “Me këto forma që ndjekin drejtuesit e pushtetit vendor, i gjithë biznesi shqiptar do të shkojë në kolaps”.
Këshilltarët e Partisë Demokratike në Bashki që në nisje të këshillit kanë kërkuar transparencë për këndin e Lojrave tek liqeni Artificial dhe një ndërhyrje përpara Galerisë së Arteve.
