Pastrimi dhë higjena e foshnjeve tuaja është parësor dhe ndikon drejtpërdrejt shëndetin e tyre. Ndaj të gjitha nënat duhet të dinë se si ta pastrojnë fëmijën e tyre dukë i’u ruajtur rreziqeve dhe pa i shkaktuar ndonjë lëndim të mundshëm.
Për një pastrim efikas ju nevojiten fillimisht: govatë me ujë të vakët, pelenë për vaskë, sfungjer, peshqir për pastrim, peshqir për tharje të foshnjes
Menjëherë pas pastrimit, foshnjën duhet ta vishni dhe ta përgatitni për gjumë, e për këtë gjë ju duhet: krem për fërkimin e prapanicës,pelenë e pastër, grykore apo pizhama të pambukut, brushë, përzierje me vitaminë D
Në cilën pozitë duhet të jetë foshnja gjatë pastrimit?
Derisa të bjerë mbështjellësi i kërthizës, foshnja pastrohet duke e mbajtur në dorë dhe nën rrjedhën e ujit. Foshnjën e mbani në krah me pelenën mbi kërthizë derisa mbështjellësi i kërthizës të bjerë.
Kërthiza është mirë të jetë e mbështjellë, pasi të përfundoni me pastrimin e heqim mbështjellësin dhe e pastroni vendin me fashë të sterilizuar dhe me jod.
Si pastrohen foshnjet meshkuj në pjesën e organeve gjenitale?
Penisi pastrohet nga anash, ndërsa në pjesën e kokës nuk ka shumë nevojë pasi ajo është e mbrojtur nga lëkura. Lëkurën e tërheqim ngadalë derisa të ndjejmë rezistencë dhe më pas pastrojmë pjesën e brendshme të saj.
Çfarë të bëni nëse foshnja qan gjatë pastrimit?
Mendohuni nëse keni gjetur kohën e duhur, ndoshta foshnja është e lodhur dhe e papushueshme apo e uritur.
Zhvendoseni kohën e pastrimit për gjysëm ore më parë dhe ushqejeni foshnjen.
Flisni dhe qeshni me foshnjen derisa e pastroni.
Ndoshta jeni nervoze dhe jeni e ashpër në lëvizje, provoni të jeni më e butë, më e relaksuar, këndoni apo lëshoni muzikë gjatë procesit.
Provoni të laheni së bashku, sepse afërsia dhe ngrohtësia e trupit tuaj do e relaksojë foshnjen.
