Gazetarja Klodiana Lala ka shprehet se shteti shqiptar ka një gjyq tjetër në arbitrazh me një kompani që Këshilli i Ministrave i bllokoi aktivitetin pasi kishte ndërtuar një landfill në Durrës.
Lala tha në emisionin “Opinion” se kompania kërkon miliona euro nga shteti shqiptar, ndërsa thekson se një kontratë të ngjashme si kompania që u bllokua e ka marrë kompania që ka ndërtuar inceneratorët.
“Kemi një gjyq të ri në arbitrazh ne. Para se të fillonte historia e inceneratorëve ka patur një lanfill në zonën e Durrësit, një kompani italiane me administrator shqiptar. Për arsye të paqarta kjo kompani pasi është ndërtuar landfilli është bllokuar nga Këshilli i Ministrave dhe kompania kërkon miliona euro që më pas e njëjta kontratë me të njëjta terma pak a shumë i është dhënë një prej inceneratorëve. Ajo kompani e ka çuar shtetin shqiptar në arbitrazh”,-tha Lala./Opinion.al
