Gjykata e Posaçme GJKKO ka lënë në burg Ilir Beqajn.
GJKKO rrëzoi kërkesën e ish-ministrit i cili kërkoi ndryshimin e masës së arrestit me burg në një masë më të butë.
Ish-ministri Beqaj, i cili është në hetim pasuror për abuzimet me fondet e SASPAC, u arrestuar me urdhër të Prokurorisë së Posaçme më 4 korrik 2024.
Ai akuzohet lidhur me abuzimet me fondet e SASPAC (Agjencia Shtetërore të Programimit Strategjik dhe Koordinimit të Ndihmës), e cila drejtohej nga Ilir Beqja deri në momentin që ky i fundit u detyrua të japë dorëheqje pasi GJKKO caktoi dy masa sigurie ndaj tij: detyrim paraqitje dhe ndalim të udhëtimeve jashtë vendit, lidhur me dosjen e “Sterilizimit”.
Sipas SPAK, Ilir Beqaj në cilësinë e Drejtorit të Përgjithshëm të SASPAC-ut në bashkëpunim me Ermal Kurtulajn, përgjatë viteve 2022-2023 dyshohet se kanë kryer procedura prokurimi fiktive.
Prokuroria e Posaçme informon se Ermal Kurtulaj është emëruar nga Ilir Beqaj në datën 26 Maj 2022 si koordinator i zyrës “Facility Point” për projektin EUSAIR në SASPAC.
