Është shtyrë seanca gjyqësore për Jamarbër Malltezin, dhëndrin e ish-kryeministrit Sali Berisha. Malltezi kërkoi shuarjen e masës së sigurisë në GJKKO.
Sipas raportimeve, në nisje të seancës avokatët e tij kërkuan përjashtimin e gjyqtares Irena Gjoka me argumentin e moszbardhjes në kohë të vendimit.
Mbrojtja pretendon se subjekti i ngritur nga Prokuroria e Posaçme pas hetimeve të dosjes për privatizimin e ish-kompleksit Partizani, nuk ka asnjë element të veprës penale të korrupsionit dhe rrjedhimisht as pastrim parash.
Nga ana tjetër SPAK thotë se Jamarbër Malltezi është përfshirë në korrupsion dhe ka përfituar 5.4 milionë euro, gjatë këtyre procedurave, i favorizuar nga ish-kryeministri Sali Berisha, vjehërri i tij.
