Kolegji Zgjedhor Gjyqësor ka rrëzuar padinë e bërë nga Partia Demokratike e drejtuar nga Enkelejd Alibeaj.
Ai kërkoi shfuqizimin e vendimit të KQZ, e cila ka regjistruar në zgjedhjet e 14 majit, Koalicionin “Bashkë Fitojmë”, pa PD-në e Berishës.
Me Vendimin Nr. 6, datë 30.03.2023, Kolegji Zgjedhor Gjyqësor, me shumicë votash,
VENDOSI:
1.Rrëzimin e padisë.
2.Shpenzimet gjyqësore janë në ngarkim të palëve siҫ janë kryer.
3.Ky vendim është i formës së prerë dhe ndaj tij nuk lejohet ankim”, thekson Gjykata.
Për dijeni, Komisioneri Shtetëror i Zgjedhjeve, me Vendimin nr.178 më datë 18.03.2023 vendososi regjistrimin e Koalicionit “Bashkë Fitojmë” (PL – PDK – PBDNJ) “BF”, si subjekt zgjedhor pjesëmarrës në zgjedhjet për organet e qeverisjes vendore të datës 14 maj 2023 me parti pjesëtare të tij si më poshtë: a)”Partia e Lirisë” (PL); b) “Partia Demokristiane e Shqipërisë” (PDK); Partia e Bashkimit për të Drejtat e Njeriut (PBDNJ);
Ndërkohë për padinë e bërë nga Alibeaj me vendimin Nr. 6, datë 30.03.2023, Kolegji Zgjedhor Gjyqësor, me shumicë votash,
VENDOSI:
1.Rrëzimin e padisë.
2.Shpenzimet gjyqësore janë në ngarkim të palëve siҫ janë kryer.
3.Ky vendim është i formës së prerë dhe ndaj tij nuk lejohet ankim.
4.U shpall në Tiranë më datë 30.03.2023.
Trupi gjykues i Kolegjit Zgjedhor Gjyqësor që morën pjesë në seancë, ishtë i përbërë nga gjyqtarët:
Sokol Ibi (Relator)
Manjola Xhaxho (Anëtare)
Edlira Petri (Anëtare)
Esmeralda Xhili (Anëtare)
Alma Kolgjoka (Anëtare)/Opinion.al
