Prokuroria e Krimeve të Rënda kërkon arrest me burg për ish-ministrin e Brendshëm Saimir Tahiri, i cili aktualisht po hetohet i lirë për trafik droge me Habilajt.
Sot prokuroret kane dërguar rekurs në Gjykatën e Lartë për “çështjen Tahiri”. Prokuroria kërkon shfuqizimin e vendimit të Apelit dhe Gjykatës Penale, që liruan ish-ministrin nga masa e sigurisë “arrest shtëpie”.
Prokuroria kërkon që ndaj Tahirit të vendoset masa e sigurimit personal të arrestit me burg.
Gjykata Penale dhe ajo e Apelit në Tiranë vendosën të linin në hetim në gjendje të lirë ish-ministrin Tahiri.
