Seanca plenare e ditës së sotme ka nisur me debate dhe tensione, ndërsa opozita ka kërkuar që të jetë i pranishëm në Kuvend edhe kryeministri Edi Rama.
Deputeti i Partisë Demokratike, Saimir Korreshi zbuloi se ku ndodhet kryeministri.
Gjatë fjalës së tij në Kuvend, ai thotë se Rama ishte duke shkuar në jug, psi janë ndeshur të dy tek Bishti i Zhurit.
Me ironi ai pyet në mes të seancës plenare, nëse Rama ka ikur me rroba plazhi në jug.
“Për në jug po udhëtonte kryehajdutit. U ndeshëm te Bishti i Zhurit. Gruri ka mbetur pa shitur, karkaleci na ka mbytur. Një pyetje kam, se mos ka ikur pa brekë plazhi atje e po le nam?!’- tha Korreshi.
Kuvendi ka vazhduar me debate ndërsa është miratuar ndryshimi për rendin e ditës në Kuvend pasi është futur në rend dite projektligji për Akademinë e Shkencave. Nikolla tha se ndryshimi i rendit të ditës u bë me 69 vota pro.
Ndërkohë ish-kryeministri Sali Berisha dhe deputetë të Partisë Demokratike kanë nisur me debatet, ku edhe gjatë një momenti janë shpalosur postera në Kuvend me fytyrën e Ramës ku shkruhej ‘mafia e plehrave’.
