Lokali “Svalbar”, i pozicionuar në ish qytetin e minatorëve të Svalbard, vetëm 1000 km larg Polit të Veriut, “po kërkon” një pronar.
Bari i veçantë që iu ka shërbyer pije dhe ushqime për dekada eksploruesve më të fortë të Arktikut, është vendosur në shitje dhe çmimi i tij është vetëm 1 milionë euro.
Me temperaturat në dimër që arrijnë deri në -18 gradë Celsius, pub-i është një vend shumë i frekuentuar nga 3000 banorët e qytetit dhe 70 mijë turistët që vizitojnë arqipelagun e Arktikut.
Përpos klientëve të rregullt, banorët shprehen se edhe arinjtë kërkojnë të hyjnë në “Svalbar”, një nga pub-et më veriore të botës./Opinion.al
