Një 35-vjeçar shqiptar, i cili kërkohej nga policia greke prej 7 vitesh ka rënë në pranga teksa kryente një tjetër krim.
Ai akuzohet si autor i një grabitjes të armatosur në qytetin veriperëndimor grek, Parga, 3 ditë më parë. Dyshohet se shqiptari dhe një person tjetër u futën në filialin e një banke, të maskuar dhe nën kërcënimin e armës morën mbi 26 mije euro dhe 200 dollarë amerikanë.
35 -vjeçari shqiptar u arrestua në qytetin e Prevezës, ndërsa ishte në kërkim që prej vitit 2012, kur kishte dalë me leje nga burgu i Patras, ku vuante dënimin me 12 vjet për grabitje të armatosur. Gjithashtu ai ishte dënuar në mungesë me 19 vjet burg, për një tjetër grabitje me armë./Opinion.al
